زلف راتوں سی ہے رنگت ہے اجالوں جیسے

زلف راتوں  سی    ہے  رنگت  ہے  اجالوں جیسے

پر  طبیعت   ہے   وہی   بھولنے    والوں   جیسی

ڈھونڈتا پھرتا  ہوں  لوگوں  میں  شباعت  اس  کی

جو خوابوں میں   بھی  لگتی  ہے  خیالوں  جیسی

اس کی باتیں بھی دل آویز ہیں صورت کی  طرح

میری سوچیں بھی  پریشان  میرے  بالوں  جیسی

اس کی  آنکھوں  کو  کھبی  دیکھا   ہے   (فراز)

رونے  والوں  کی  طرح  جاگنے  والوں  جیسی

احمد فراز                                                   
Posted By
Matti Ur Rehman

اے خدا تو نے محبت یہ بنائی کیوں ہے

Posted By
Matti Ur Rehman

میں سمندروں کا مزاج ہوں

Posted By

Matti Ur Rehman

یہ درد مٹ گیا تو پھر

Posted By
Matti Ur Rehman

کچھ حرف التجا تھے دعاؤں سے ڈر گئے

Posted By

Matti Ur Rehman

یہ جو دیوانے سے دو چار نظر آتے ہیں

Posted By

Matti Ur Rehman

میں تتلیوں کو سلا دوں گا ذرا تم شام ہونے دو

یہ جو دیوانے سے دو چار نظر آتے ہیں

یہ  جو  دیوانے  سے  دو  چار  نظر   آتے  ہیں

ان   میں  کچھ  صاحب  اسرار  نظر   آتے  ہیں

تیری محفل کا بھرم  رکھتے  ہیں سو جاتے  ہیں

ورنہ   یہ   لوگ   تو    بیدار   نظر   آتے   ہیں

دور   تک   کوئی   ستارہ  ہے  نہ  جگنو  کوئی

مرگ    امید    کے    آثار    نظر    آتے    ہیں

میرے دامن میں شراروں کے سوا کچھ بھی نہیں

آپ    پھولوں   کے   خریدار   نظر   آتے   ہیں

کل جنھیں چھونہیں  سکتی تھی فرشتوں کی  نظر

آج    وہ    رونق     بازار     نظر    آتے    ہیں

حشر   میں   کون   گواہی  میری  دے  گا  ساغر

سب  تمہارے  ہی  طرف   دار   نظر   آتے  ہیں

                                      ساغرصدیقی

Posted By

Matti Ur Rehman

عبادتوں کی طرح میں یہ کم کرتا ہوں

عبادتوں کی طرح میں  یہ  کام  کرتا  ہوں 

میرا اصول  ہے  پہلے   سلام  کرتا  ہوں

مخالفت سے میری شخصیت سنورتی ہے

میں  دشمنوں  کا  بڑا  احترام   کرتا  ہوں

میں   جیب   میں   اپنا   پتہ   نہیں رکھتا 

سفر  میں  صرف  یہی  اہتمام  کرتا  ہوں

میں ڈرگیا ہوں بہت سا ۓدار پیڑوں سے

ذرا  سی دھوپ بچھا  کر  قیام کرتا   ہوں

مجھے خدا  نے  غزل کا دریا بخشا  ہے   

یہ سلطنت میں محبت کے نام کرتا   ہوں

                            بشیر بدر

Posted By
Matti Ur Rehman

ہجر کی شب کا کسی اسم سے کٹنا مشکل

ہجر  کی  شب  کا   کسی  اسم  سے کٹنا مشکل
چاند  پورا  ہے  تو  پھر  درد  کا  گھٹنا  مشکل 

موجۓ خواب ہے  وہ  اس کے ٹھکانے  محلوم
اب گیا  ہے  تو  یہ  سمجھو   کہ   پلٹنا   مشکل

جن  درختوں کی جڑیں دل میں اتر  جاتی  ہیں
ان کا آ ندھی کی درانتی سے  بھی  کٹنا مشکل

قوت غم ہے جو اس طرح سنبھالے ہے مجھے
ورنہ بکھروں  کسی  لمحے  تو  سمٹنا  مشکل 

اسے ملتے ہوئے چہرے بھی بہت  ہونے لگے

شہر  کے  شہر  سے  اک  ساتھ  نمٹنا   مشکل

                    پروین شاکر

Posted By

Matti Ur Rehman  

سہل یوں راہ زندگی کی ہے

سہل   یوں  راہ   زندگی  کی  ہے
ہر  قدم   ہم   نے عاشقی کی  ہے

ہم  نے دل  میں  سجا  لئے  گلشن
جب بہاروں نے بے رخی کی ہے

زہر سے دھو لئے ہیں ہونٹ اپنے
لطف ساقی نے جب کمی  کی  ہے

تیرے  کوچے  میں   بادشائی  کی
جب سے نکلے  گدا گری کی  ہے

بس  وہی  سرخرو  ہوا  جس   نے
بحر خوں میں  شنا وری کی    ہے

جو گزرتے تھے داغ  پر   صدمے

اب  وہی  کیفیت  سبھی   کی    ہے

         

امجد اسلام امجد

Posted By
Matti Ur Rehman

میں تتلیوں کو سلا دوں گا ذرا تم شام ہونے دو

میں تتلیوں کو  سلا  دوں گا   ذرا تم شام  ہونے  دو

میں جگنوؤں کو جگا دوں گا  ذرا تم شام  ہونے  دو

میری نمناک آنکھوں کو   نہ دیکھو تم حقارت  سے

میں تم کو بھی رلا دوں  گا  ذرا  تم  شام  ہونے  دو

تمہیں قیدی بنایا ہے  اجھاڑ  آنکھوں کی حسرت  کا

رہائی  بھی  دلا  دوں  گا   ذرا   تم  شام  ہونے  دو

کہاں   آغاز   ہوتا   ہے   کہاں   انجام   ہوتا    ہے

ہنر سارے سکھا   دوں  گا  ذرا  تم  شام  ہونے  دو

جو تم نے مجھ سے پوچھا ہےکہاں ہوگیتمہاریشام

کہاں  ہو  گی  بتا  دوں  گا  ذرا  تم  شام  ہونے  دو

Posted by

Matti Ur Rehman



اس نے دور رہنے کا مشورہ بھی لکھا ہے

اس نے دور رہنے   کا   مشورہ   بھی   لکھا   ہے

ساتھ   ہی   محبت   کا   واسطہ   بھی   لکھا   ہے

اس نے   یہ   لکھا   ہے   میرے   گھر   نہیں  آنا

اور صاف صاف لفظوں میں راستہ بھی لکھا ہے

کچھ حروف لکھےہیں ضبط کی نصیحت   میں

کچھ حروف میں اس نے حوصلہ بھی لکھا ہے

شکریہ بھی لکھا ہے   دل  سے  یاد  کرنے  کا

دل سے دل کا ہے کتنا   فاصلہ بھی   لکھا   ہے

کیا   اسے   لکھیں   ،    کیا      اسے      کہیں

جس نے اپنے دل کا بھی  حال ہم  سا لکھا  ہے

Posted By

Matti Ur Rehman

وہ جو آ جاتے تھے آنکھوں میں ستارے لے کر

وہ جو آ جاتے تھے آنکھوں میں ستارے لے کر

جانے  کس  دیس  گئے  خواب  ہمارے  لے  کر

چھاؤں میں بیٹھنے والے ہی تو سب  سے  پہلے

پیڑھ  گرتا  ہے  تو  آجاتے  ہیں  آ رے  لے  کر

 

وہ    جو  اسوداۓ  ساحل  ہیں  انھیں  کیا  معلوم

اب کہ  موج  آ ئی تو  پلٹے گی  کنارے  لے  کر

 

ایسا  لگتا  ہے  کہ  ہر  موسم  ہجراں  میں   بہار

ہونٹ رکھ دیتے ہے شاخوں  پہ تمہارے لے  کر

 

شہر والوں کو کہاں یاد   ہے  وہ   خواب  فروش

پھرتا رہتا  تھا  جو  گلیوں  میں  غبارے  لے  کر

 

نقد  جاں صرف  ہوا  کلفت  ہستی   میں   ( فراز)

اب جو زندہ ہیں تو  کچھ  خواب ادھارے  لے  کر

                                                        احمد فراز
Posted By
Matti Ur Rehman